Astyq pen un eksporty 9,9 mln tonnaǵa jetti

ASTANA.KAZINFORM — Ótken jyldyń osy kezeńinde bul kórsetkish 8,7 mln tonna bolǵan. Bul týraly AShM baspasóz qyzmeti habarlady. 

«Qazaqstan temir joly» aktsıonerlik qoǵamynyń málimetinshe, 2025 jyldyń qyrkúıeginen 2026 jyldyń naýryzyna deıingi aralyqta astyq pen un eksporty (astyq balamasynda) 9,9 mln tonna boldy.

Ótken jyldyń osy kezeńinde bul kórsetkish 8,7 mln tonna bolǵan. Bul syrtqy naryqtarǵa jetkizilim kóleminiń artqanyn kórsetedi.

— Ózbekstan eline astyq eksporty 15%-ǵa ósip, 7,3 mln tonnadan 8,4 mln tonnaǵa jetti. Qyrǵyzstan baǵytyna 1,7 esege ulǵaıyp, 233 myń tonnadan 393 myń tonnaǵa artty.

Sonymen qatar, Aýǵanstan baǵyty boıynsha eksport 35%-ǵa ósip, 1,1 mln tonnadan 1,5 mln tonnaǵa deıin jetti. Túrikmenstan eline jóneltilimder de 1,5 esege kóbeıip, 105 myń tonnadan 156 myń tonnaǵa ulǵaıdy, — delingen AShM habarlamasynda.

Jalpy, eksport kóleminiń artýy sheteldik naryqtarda qazaqstandyq aýyl sharýashylyǵy ónimderine suranystyń turaqty ekenin kórsetedi. Sonymen qatar, logıstıkany jetildirý men eksport geografııasyn keńeıtý baǵytyndaǵy jumystardyń nátıjeli júzege asyp jatqanynyń aıqyn dáleli. 

Aıta ketelik astyq eksporty keıingi 20 jyldaǵy eń joǵary kórsetkishke jetkeni týraly jazǵan edik.