Astananyń 2022 jylǵy bıýdjeti 889 mlrd teńge bolyp naqtylandy
Onyń aıtýynsha, naqty jınalý taldaýlaryna súıenip, jeke tabys josparyn 556,7 mlrd teńgege deıin 3,1 mlrd teńgege ulǵaıtý usynylady. Al salyq túsimderi boıynsha – 503 mlrd teńgege deıin, salyqtyq emes túsimderdi – 643 mln teńgege deıin, aıyppuldar men ózge de túsimder josparyn – 13,8 mlrd teńgege deıin arttyrý kózdeledi.
Oǵan qosa, basqarma ókili bıýdjettiń negizgi shyǵyndary týraly baıandaldy.
«Otyn-energetıkalyq keshen men kommýnaldyq sharýashylyq basqarmasyna qosymsha 2 mlrd 481,8 mln teńge qarastyrylǵan. Qorshaǵan ortany qorǵaý jáne tabıǵatty paıdalaný basqarmasyna Astana qalasynyń jasyl beldeýinde kóshetterdi qaıta jańartý men daqyl egý sharalaryna 133,3 mln teńge qarastyrylǵan. Qalalyq orta sapasy jáne baqylaý basqarmasyna qalalyq monıtorıng jáne jedel áreket etý ortalyǵynyń qyzmetkerlerine eńbekaqy tóleý qorynyń ulǵaıýyna baılanysty 98,6 mln teńge bólinedi», - dedi Aıjan Álimqyzy Astana qalalyq máslıhatynyń kezekten tys sessııasynda.
«Almaty jáne Esil aýdandary ákiminiń apparatyna eldimekenderdi abattandyrý jáne kógaldandyrý baǵdarlamasy boıynsha tıisinshe 218 mln jáne 235,8 mln teńge qarastyrylǵan. Astana qalasy ákiminiń apparatyna «aýmaqtyq qorǵanysty daıyndaý» baǵdarlamasy boıynsha 98,6 mln teńge qarajat azaıtyldy. Qoǵamdyq densaýlyq saqtaý basqarmasyna 363 mln teńge qaıta bóldi», - dedi ol.
Osylaısha, engizilgen ózgeristerge sáıkes, Astana qalasynyń 2022 jylǵa arnalǵan naqtylanǵan bıýdjeti 889 mlrd 41 mln teńge boldy. Onyń ishinde, jeke tabys boıynsha túsimder 556 mlrd 669 mln teńgeni quraıdy. Respýblıkalyq bıýdjetten beriletin transfertter – 236 mlrd 927 mln teńge.
