Astananyń «jasyl beldeýin» kútip ustaý arnaıy kompanııaǵa júktelmek

ASTANA. KAZINFORM — Astananyń «jasyl beldeýin» kútip ustaý zańdy tulǵaǵa berilmek. Bul jaıynda Premer-mınıstrdiń orynbasary — Ulttyq ekonomıka mınıstri Serik Jumanǵarın aıtty.

— Qazirgi tańda jasyl beldeý jerleriniń qysqarýyna nemese búlinýine jol bermeý qajet. Osyǵan baılanysty «Astana mártebesi týraly» zań sheńberinde qalanyń jasyl aımaǵyn basqarý qaǵıdalaryn bekitip, ony kútip-ustaıtyn zańdy tulǵany aıqyndaý kózdelip otyr. 
Jasyl aımaqtyń shekaralaryn ákimdik emes, Úkimet qana ózgerte alatyn bolady. «Jasyl beldeý» aýmaǵynda landshaftardyń tabıǵı kórinisine teris áser etetin qyzmetke tyıym salý usynylady, — dedi ol Májiliste.

Aıta keteıik, Májiliste zańnamaǵa astanany jáne respýblıkalyq mańyzy bar qalalardy damytý baǵytyndaǵy ózgeristeri engizýge arnalǵan zań jobasy birinshi oqylymda talqylanyp jatyr.