Astananyń Turan dańǵylynda qozǵalys ýaqytsha shekteledi
ASTANA. KAZINFORM — Astana ákimdigi qala turǵyndary men qonaqtaryna Syǵanaq kóshesinen Saraıshyq kóshesine deıingi ýchaskede Turan dańǵyly jol tóseminiń ústińgi qabatyn salý jumystary jalǵasatynyn habarlady.
Osyǵan baılanysty, aǵymdaǵy jyldyń 7-12 shildesi aralyǵynda atalǵan ýchaskedegi qozǵalys ishinara kezeń-kezeńimen jabylatyn bolady. Bul rette avtokólik quraldarynyń qozǵalysy aldymen áýejaıdan qalaǵa qaraı, keıin qaladan áýejaıǵa qaraı bir baǵytta ǵana uıymdastyrylady.
- Júrgizýshiler men jaıaý júrginshilerden óz baǵyttaryn aldyn ala josparlap, qozǵalysty uıymdastyrýda múmkin bolatyn ózgeristerdi eskerýdi suraımyz, - delingen jazbada.
Qaýipsizdikti qamtamasyz etý jáne qolaısyzdyqtardy azaıtý maqsatynda ýaqytsha jol belgileri men baǵyttaýshy kórsetkishter ornatylady.
Aıta keteıik, Astanadaǵy Nurjol býlvarynda kólik qozǵalysy ýaqytsha shekteletinin jazdyq.