Astananyń Táýelsizdik kópirindegi qozǵalys ishinara shekteledi
ASTANA. KAZINFORM — Táýelsizdik kópirindegi qozǵalys asfalt tóseý júrgiziletindikten, ishinara shekteledi. Bul týraly Astana qalasy ákimdiginiń baspasóz qyzmeti málim etti.
10-20 shilde aralyǵynda Esil ózeni arqyly ótetin Táýelsizdik kópirine asfalt jabynnyń joǵarǵy qabaty salynady. Ýchaskedegi qozǵalys ishinara shekteledi.
«2023 jyldyń qazan aıynda joldardaǵy keptelisti azaıtý úshin Esil ózeni arqyly Táýelsizdik kópirinde jol jabynynyń tómengi qabaty arqyly ótý qamtamasyz etildi. Qazirgi ýaqytta irgeles aýmaqty abattandyrý jumystary jalǵasyp jatyr. Osy jyldyń 10-20 shilde aralyǵynda asfalt-beton jabynynyń joǵarǵy qabatyn tóseý jumystaryn júrgizý josparlanyp otyr. Bul rette qozǵalys kópirdiń bir jaǵy boıynsha eki baǵytta da qamtamasyz etiletin bolady», — delingen habarlamada.
Elorda turǵyndary men qonaqtarynan qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýdy suraıdy.
