Astananyń qos jaǵalaýynda aýqymdy otshashý ótti
ASTANA. KAZINFORM — 31 jeltoqsannan 1 qańtarǵa qaraǵan túni elordada demeýshilerdiń qarajaty esebinen merekelik jańajyldyq otshashý atyldy.
Otshashý Astananyń qos jaǵalaýynda — Botanıkalyq baq pen «Atyraý» kópirine irgeles aýmaqtarda uıymdastyryldy.
Jańbyr aralas qar men jelge qaramastan, otshashý tamashalaýǵa kelgen adamdar qarasy kóp boldy.
Elorda turǵyndary men qonaqtarynyń qaýipsizdigin qamtamasyz etý maqsatynda otshashý kezinde «Atyraý» kópiri mańyndaǵy muzyna shyǵýǵa tyıym salyndy.
Sonymen birge, 31 jeltoqsannan 1 qańtarǵa deıin Astananyń barlyq 6 aýdanynda jańajyldyq merekelik kontsert ótti. Saǵat 21:00-de «Qazaq eli» monýmentiniń janyndaǵy alańda, «EXPO» aýmaǵynda, sondaı-aq qalalyq alańda shyǵarmashylyq ujymdar men qazaqstandyq estrada juldyzdarynyń qatysýymen jańajyldyq merekelik kontsert ótti.
Іs-sharaǵa otandyq estrada juldyzdary — Zarına Omarova, Erkesh Hasen, Marjan Arapbaeva, Sáken Maıǵazıev, Qazybek Quraıysh, Serik Ibragımov, Jubanysh Jeksenuly, Aqbota Kerimbekova, «Melomen», «Báıterek» toptary jáne basqa da ártister qatysty.
Alǵash ret Jibek Joly radıosynan Prezıdenttiń jańa jyldyq quttyqtaýy berildi. Osylaısha, jańa jyldy jol ústinde qarsy alǵan qazaqstandyqtar Memleket basshysynyń quttyqtaýyn 101.4 FM jıiliginen tyńdaı aldy.
Sondaı-aq, aýa raıyna baılanysty elordanyń kommýnaldyq qyzmetteri kúsheıtilgen jumys rejımine kóshti.