Astanalyqtar Túrkııa eline 4 tonna kómek jiberdi

ASTANA. QazAqparat - Astanalyqtar zilzaladan zardap shekken Túrkııa eline 4 tonna kómek jınap, jóneltti. Bul týraly Túrkııanyń Qazaqstandaǵy Elshiligi habarlady.

«Astanadaǵy qamqor jandardyń jer silkinisinen zardap shekkender úshin elshiligimizge jetkizgen 4 tonnalyq kómek materıaldary Túrik áýe joldary arqyly qaıyrymdylyq qorlarymyzǵa jiberildi» - delingen elshilik habarlamasynda.

Eske salsaq, qazaqstandyqtar Túrkııa halqyna kómek retinde 100-ge jýyq kıiz úı jiberedi.

Qazaqstan Úkimeti Túrkııaǵa gýmanıtarlyq kómek retinde $1 mln bóldi. Sondaı-aq

Kaspi.kz qosymshasy arqyly Túrkııada zardap shekkenderge qarajat aýdarýǵa bolady.

Túrkııadaǵy alapat zilzala 6 aqpan kúni Túrkııanyń Kahramanmarash-Pazardjık aýdanynda 7,7 ball qýatymen jáne Elbıstanda 7,6 ball qýatymen bastalǵan edi.

Jer silkingennen keıin artynan 648 aftershok bolǵan.

Jerasty dúmpýi eldiń 10 provıntsııasynda, sondaı-aq kórshiles elderde, sonyń ishinde Sırııada sezildi.

Sońǵy málimet boıynsha Túrkııada zilzaladan kóz jumǵan sany 21 myńnan asty.