Astanalyqtar ınternet alaıaqtyq kesirinen 150 mlrd teńgesinen aıyrylǵan

ASTANA. QazAqparat – Byltyr elordada ınternet alaıaqtyq saldarynan mıllıardtaǵan shyǵyn kelgen. Tolyǵyraq Astana qalalyq polıtsııa departamenti krımınaldy polıtsııa basqarma basshysynynyń orynbasary Qaırat Mádıev aıtyp berdi, dep habarlaıdy QazAqparat tilshisi.

«Ótken jyldyń qorytyndysy boıynsha ınternet alaıaqtyq áreketterden kelgen shyǵyn 150 mlrd teńgeni qurady. Onyń 150 mln teńgesi ǵana qaıtaryldy. Al jyl bastalǵaly 443 ınternet alaıaqtyq fakti tirkeldi, saldarynan 250 mln teńge shyǵyn keldi», – dedi Qaırat Mádıev vedomstvoda ótken baspasóz máslıhatynda.

Sondaı-aq, polıtsııa departamenti ókili alaıaqtardyń aldaý ádisteri týraly aıtty.

«Olar kóbine ózin bank qyzmetkerimin dep tanystyrady. Odan ári klıenttiń senimine kirip, teris áreketterin júzege asyrady. ıAǵnı klıenttiń jeke málimetterin alýǵa tyrysady. Odan ári jaǵdaı túsinikti», - deıdi ol.

Onyń aıtýynsha, polıtsııa qyzmetkerleri atyn jamylyp habarlasatyn alaıaqtar da bar. Ol boıynsha birneshe fakti tirkelgen.

Buǵan deıin habarlaǵanymyzdaı, elordada bir aıdyń ishinde 443 ınternet alaıaqtyq faktisi tirkelgen.