Astanalyq júrgizýshi eki aıda 99 márte jol erejesin buzyp, 2 mln teńge aıyppul arqalady
Elordada «Qaýipsiz jol» jedel aldyn alý is-sharasy ótip jatyr.
Atalǵan shara bastalǵannan beri jol erejesin buzýdyń 3 231 deregi anyqtaldy, onyń ishinde mas kúıinde 33 júrgizýshi, kólik quralyn basqarý quqyǵy joq 60 júrgizýshi jáne avtokólikti basqarý quqyǵynan aıyrylǵan 6 júrgizýshi anyqtaldy.
Kólik tártibin arttyrýda jol qozǵalysy erejelerin buzýdy tirkeıtin avtomatty júıeler mańyzdy ról atqarady.
Bıyl elordada «Qorǵaý» mobıldi qosymshasy iske qosyldy. Onda «Sergek» júıesi kameralarynyń, jedel basqarý ortalyqtarynyń jáne ІІM mobıldi qosymshalarynyń múmkindikteri biriktirilgen.
Jedel aldyn alý sharasy bastalǵannan beri «Qorǵaý» qosymshasyn qoldaný arqyly 286 júrgizýshige ákimshilik quqyq buzý boıynsha bereshegi týraly habarlandy.
Nur-Sultan qalasynyń kommýnaldyq turaǵyna 129 avtokólik qoıyldy.
Sondaı-aq, «Sergek» kameralary kommýnaldyq turaqqa qoıylǵan «Volvo S40» markaly avtokólikti tirkegen.
Avtokólik júrgizýshisine 2 mln 344 myń teńgeden astam somaǵa habarlama jiberilgen. Oǵan 99 tólenbegen aıyppul eseptelgeni anyqtaldy, onyń 94-i - jyldamdyq rejımin asyrǵany úshin salynǵan aıyppul.
Sonymen qatar, polıtseıler júrgizýshisi buryn kólik basqarý quqyǵynan aıyrylǵan «Vaz 21150» markaly avtokóligin toqtatty.
Onyń 2017 jyly mas kúıinde kólik júrgizgeni úshin sot tártibimen kólik quralyn basqarý quqyǵynan aıyrylǵany belgili boldy.
Tártip buzýshy QR ÁQBK 612-babynyń 4-bóligi boıynsha ákimshilik jaýapkershilikke tartyldy.
