Astanalyq veloshabandozdar Výelta kópkúndigine qatysady
ALMATY. 19 tamyz. QazAqparat /Erlik Erjanuly/ - Tamyzdyń 20-sy men qyrkúıektiń 11-i aralyǵynda Ispanııada velosporttan «Vuelta Espana» kópkúndigi ótedi. QR Velosport federatsııasynyń habarlamasyna qaraǵanda, «Astana» veloklýby oǵan 9 sportshy qospaq.
Olardyń arasynda qazaqstandyq Andreı Kashechkın, Aleksandr Dıachenko, Andreı Mızýrov, shvetsııalyq Frederık Kesıakoff, horvatııalyq Robert Kısherlovskı, ıtalııalyq Enrıko Gasparotto, ıspanııalyq Djozep Djýpre, estonııalyq Tanel Kangert men reseılik Evgenıı Petrov bar. Astanalyqtardyń Bas sporttyq dırektory Djýzeppe Martınellıdiń aıtýynsha, olar bul dodada komandalyq esepte úzdik bestiktiń qataryna enýdi josparlaýda. Andreı Kashechkın 2006 jyly jekeleı synda negizgi jiktelimde úzdik úshtiktiń qatarynan kóringen bolatyn. Bıyl ol bul jarysta "Astana" namysyn qorǵaǵaly otyr.
