Astanalyq qutqarýshylar sý ortasynda qalǵan qusty qutqara almady

ASTANA. QazAqparat – Jedel qutqarý jasaǵynyń kóligi Astanadaǵy «Maral» kópiriniń astynda qalǵan qusty qutqara almaı ketti, dep habarlaıdy QazAqparat tilshi.

Ekologııa, geologııa jáne tabıǵı resýrstar mınıstrliginiń baspaóz qyzmeti «Maral» kópiriniń astyndaǵy aqqýdyń jaǵdaıy týraly» degen taqyryppen vıdeo taratty. Vıdeony túsirýshi adam búgin keshki saǵat 18.47-de jedel qutqarý jasaǵynyń mamandary sý ortasynda qalǵan qusty qutarý múmkin emes ekenin aıtyp, keri qaıtqanyn baıandaıdy. Kadr syrtyndaǵy daýys qustyń aqqýǵa uqsaıtynyn, al qutqarýshylar ony qazǵa uqsatqanyn aıtady.

«Muz juqa bolǵandyqtan, qutqarýshylar qusqa jaqyndaı almady. Qarańǵy túsken kezde juqa muzǵa shyǵý múlde qaýipti ekenin alǵa tartqan qutqarýshylar qusty sý ortasyna qaldyrýǵa májbúr boldy», - deıdi ol.

Eske salsaq, kesheden beri áleýmettik jelide Astana aýmaǵynda sýyqtan qorǵanatyn pana tappaı qalǵan qustar týraly vıdeolar tarap jatyr.