Astanalyq kásipker alaıaqqa 36 mln teńgesin berip qoıdy
«Nur-Sultan qalasynyń Polıtsııa departamenti «Almaty» aýdany polıtsııa basqarmasynyń krımınaldyq polıtsııa bólimi qyzmetkerleri alaıaqtyq jasady degen kúdikpen 33 jastaǵy er adamdy ustady.
Elordalyq polıtsııa qyzmetkerleri jedel-izdestirý is-sharalaryn júrgizý barysynda qaskúnemdi Almaty qalasynda qolǵa túsirdi», - delingen Polıtsııa departamentiniń málimetinde.
Ustalǵan kúdikti eki JShS basshylarynyń arasynda týyndaǵan sot protsesin sheship berýge ýáde etkeni anyqtaldy. Ol zańger qyzmetin kórsetý jeleýimen senimge kirgen. Sot protsesin jábirlenýshiniń paıdasyna sheship beretinin aıtyp, fırma dırektorynyń 36 mln teńge kólemindegi aqshasyn ıemdengen.
«Atalǵan fakti boıynsha QR Qylmystyq kodeksiniń 190-baby boıynsha sotqa deıingi tergeý amaldary júrgizilýde. Ustalǵan adam qamaýda.
Nur-Sultan qalasynyń Polıtsııa departamenti alaıaqtardyń qurbany bolmaý úshin azamattardy qyraǵy bolýdy, beıtanys adamdarǵa senbeýdi eskertedi», - dedi polıtsııadan.
