Astanalyq ekonomıkalyq forýmǵa 6-7 Nobel syılyǵynyń laýreaty qatysady - Memleket basshysy

ASTANA. 15 sáýir. QazAqparat /Marlan Jıembaı/ - Aǵymdaǵy jylǵy mamyrdyń 3-4-i kúnderi ótetin IV Astanalyq ekonomıkalyq forýmǵa 6-7 Nobel syılyǵynyń laýreaty qatysady. Bul týraly búgin QR Parlamenti Senatynyń jalpy otyrysyna qatysqan Memleket basshysy Nursultan Nazarbaev aıtty.

«Aldymyzda kóp halyqaralyq sharalar tur. Endigi aıdyń basynda Astanalyq ekonomıkalyq úlken forým bolady. Ekonomıka boıynsha Nobel syılyǵynyń 6-7 laýreaty keledi dep kútilýde», - dedi Elbasy.

Sondaı-aq Memleket basshysy odan keıin 68 memlekettiń ókilderi bas qosatyn Eýropalyq damý bankiniń elimizdegi aýqymdy jıyny, Islam elderiniń syrtqy ister mınıstrleriniń forýmy ótetindigin eske saldy. N.Nazarbaevtyń atap ótýine qaraǵanda, syrtqy ister mınıstrleriniń forýmyna kóptegen ıslam elderiniń basshylary keledi dep kútilýde.

«Sondyqtan bul jaǵynan aýqymdy, dúnıejúzilik úlken sharalar bar. Al endi ózimizdiń elimizdegi sharalar odan da kóp. Syrtqy saıasatymyzdy, ishki saıasatymyzdy halyq durys dep sanady dep bilemin. Biz osyny ary qaraı damyta beremiz», - dedi QR Prezıdenti.