Astanalyq aýrýhanada gospıtaldyq formatsııa bólimshesi ashyldy

ASTANA. QazAqparat - Astana qalasynyń № 2 kóp beıindi qalalyq aýrýhanasynda alǵash ret gospıtaldyq farmatsııanyń jańa bólimshesi ashyldy, dep habarlaıdy QazAqparat.

«Basty maqsat – patsıentterge preparattardy jetkizý júıesin tsıfrlandyrý, dárilik zattardyń derbestendirilgen esebin júrgizý. Munda beriletin dári-dármekterdiń sany avtomatty túrde baqylanady. Bul bólimsheniń biregeıliligi: medıtsınalyq dári-dármekterge jumsalatyn shyǵystardy únemdeý. Sonymen qatar, durys emes taǵaıyndaýlar men emdeý qaýpi azaıady. Aldyn ala esepteýler boıynsha joba jylyna 400 mln teńgege deıin bıýdjetti únemdeýge múmkindik beredi», - dep atap ótti elordalyq qoǵamdyq densaýlyq saqtaý basqarmasynyń basshysy Tımýr Muratov.

Gospıtaldyq farmatsııa bólimshesiniń jobasy búkil álemde qoldanylady jáne halyqaralyq talaptardyń biri bolyp tabylady. Qazir qala boıynsha 9 statsıonar jumys isteıdi, aldaǵy ýaqytta bul júıeni barlyq kóp beıindi aýrýhanalarǵa engizý josparlanýda.