Astanalyq TJD 1200 sharshy metr aýmaqty sharpyǵan jalyndy aýyzdyqtady

ASTANA. KAZINFORM – Elordalyq órt sóndirýshiler iri órtti joıdy.

23 qańtarda saǵat 21:20–da Astana qalasy TJD órt sóndirý bólimsheleri Dúkenuly kóshesi, 31/11S mekenjaıynda tutanǵan órt týraly habarlama aldy.

«Saǵat 21.26-da shaqyrýdyń joǵary dárejesimen jetken mamandar jıhaz jasaıtyn óndiristik tsehta 1200 sharshy metr alańda jıhaz daıyndamalary, plastmassa jáne rezeńke-tehnıkalyq buıymdar janyp jatqanyn anyqtady. Jedel túrde órt sóndirý shtaby uıymdastyryldy. Órt sóndirýshilerdiń úılesimdi áreketteri órttiń jaqyn mańdaǵy ǵımarattarǵa taralýyn boldyrmady. Órt sóndirýshilerdiń kúshimen jalyn saǵat 22.40-ta oqshaýlanyp, saǵat 23.19-da joıyldy», — dep jazdy TJD-dan.

Órtti sóndirýge elordalyq TJD jeke quramynyń 93 adamy men 18 tehnıkasy, sondaı-aq apattar medıtsınasy ortalyǵynyń qyzmetkerleri jumyldyryldy.