Astana men Kókshetaýda ekinshi aýysym oqýshylary da onlaın oqıtyn boldy

ASTANA. KAZINFORM — Búgin elordada ekinshi aýysymnyń 0-6 synyp oqýshylary qashyqtan oqıdy, dep habarlaıdy qalalyq bilim basqarmasynyń baspasóz qyzmeti.

— 2026 jylǵy 23 qańtar kúni aýa raıynyń qolaısyzdyǵyna baılanysty ekinshi aýysymnyń 0-6 synyp oqýshylary qashyqtan oqytý formatyna aýystyrylady, — delingen habarlamada.

Sonymen qatar Kókshetaý qalasynyń bilim bóliminiń málimetinshe, aýa temperatýrasynyń -27,4 gradýsqa túsýine, jeldiń 3 m/s jetýine baılanysty ekinshi aýysymnyń 1-9 synyp oqýshylary qashyqtan oqytý formatyna aýystyrylady.

Budan buryn Pavlodarda 0–4 synyp oqýshylary onlaın oqıtynyn jazǵan bolatynbyz.

Sondaı-aq Astanada birinshi aýysym oqýshylary onlaın oqıtynyn habarlaǵan edik.