Astanalyq oqýshyǵa alǵash ret «QR eńbek sińirgen sport sheberi» ataǵy berildi

ASTANA. KAZINFORM — Astana qalasyndaǵy №70 mektep-lıtseıiniń 11-synyp oqýshysy Ańsat Aldııar Isataıulyna «Qazaqstan Respýblıkasynyń eńbek sińirgen sport sheberi» ataǵy tabystaldy, dep habarlaıdy elorda ákimdiginiń resmı saıty.

Bul — elimizde mektep oqýshysyna tuńǵysh ret berilip otyrǵan mártebeli marapat.

Jas shahmatshy Aldııar Qazaqstan sportynyń maqtanyshy sanalady. Ol álemdik deńgeıdegi túrli bedeldi jarystarda qarsylastaryn artta qaldyryp, birneshe márte jeńimpaz atandy.

Álem chempıonattary men halyqaralyq týrnırlerde top jaryp, el namysyn qorǵap, kók týdy bıikte jelbiretken jas álem chempıony.

Aıta keteıik, Bıbisara Asaýbaeva Ózbekstandaǵy týrnırde qola júldeger atandy.