Astanalyq qutqarýshylar baspanaly boldy
ASTANA. KAZINFORM — TJM basshysy elordalyq qutqarýshylarǵa páter men qyzmettik avtokólikterdiń kiltterin tabys etti, dep habarlaıdy vedomstvonyń baspasóz qyzmeti.
Búgin Astana qalasyndaǵy № 4 mamandandyrylǵan órt sóndirý bóliminde saltanatty is-shara ótti. Іs-shara aıasynda Tótenshe jaǵdaılar mınıstri, general-maıor Shyńǵys Árinov elordalyq azamattyq qorǵaý organdary bólimsheleriniń qyzmetkerlerine jańa páterler men qyzmettik avtokólikterdiń kiltterin tabystady.
Jańa qonys ıeleriniń qatarynda qutqarýshylar, júrgizýshiler jáne bólimshe komandırleri bar. Sonymen qatar qyzmettik tehnıka parki jańartylyp, bul tótenshe jaǵdaılarǵa den qoıý jedeldigin arttyrýǵa múmkindik beredi.
Vedomstvo basshysy jeke quram aldynda sóılegen sózinde qyzmetkerlerdi turǵyn úımen jáne zamanaýı tehnıkamen qamtamasyz etý — bul TJM qyzmetkerleriniń áleýmettik qorǵalý deńgeıin arttyrý maqsatynda Memleket basshysynyń tapsyrmasy boıynsha júrgiziletin júıeli jumystyń bir bóligi ekenin atap ótti.
— Turǵyn úımen qamtamasyz etilý — erteńgi kúnge degen senimdilik, basty iske — adam ómirin qutqarýǵa tolyq kóńil bólýge múmkindik beredi. Turǵyn úı máselelerin sheshý — qaýipsizdiktiń aldyńǵy shebinde turǵan adamdarǵa jasalǵan qamqorlyq, bizdiń basty basymdyǵymyz, — dedi Shyńǵys Árinov.
Qutqarýshylardy turǵyn úımen qamtamasyz etý — azamattyq qorǵaý qyzmetkerlerin áleýmettik qoldaýdyń memlekettik saıasatyndaǵy basty baǵyttardyń biri. Mınıstrlik jeke quramǵa laıyqty qyzmet jaǵdaıyn jasap, olardyń yntasyn arttyrýǵa baǵyttalǵan sharalardy dáıekti túrde júzege asyryp keledi.
Atalǵan baǵyttaǵy jumys bıyl da belsendi túrde jalǵasyp jatyr. Tek 2024 jyldyń ózinde Astana qalasynyń TJD qyzmetkerlerine 50 páter berildi. Baǵdarlama aıasynda turǵyn úımen qamtý jumystary aldaǵy ýaqytta da jalǵasyn tabady.
Buǵan deıin Astanada úsh qabatty ǵımarat órtengenin jazǵan edik.