Astanalyq eki muǵalim eldegi úzdik 10 ustaz qataryna qosyldy
ASTANA. KAZINFORM – Astanada «Qazaqstan muǵalimi-2024» Ulttyq syılyǵynyń fınalısterin saltanatty marapattaý rásimi ótti. Іs-sharaǵa álemniń ár túkpirinen kelgen muǵalimder men ǵalymdar, sarapshylar qatysty. Bul týraly elorda ákimdiginiń resmı saıty jazdy.
Bul Varkey Foundation bekitken jahandyq muǵalimder syılyǵy halyqaralyq baıqaýynyń qazaqstandyq kezeńi bolyp sanalady. Onda bir mıllıon AQSh dollary kólemindegi bas júlde bilim salasyna úles qosqany úshin álemniń úzdik muǵalimderine beriledi.
Baıqaý aıasynda «Qazaqstan muǵalimi-2024» ulttyq syılyǵynyń ıegeri anyqtalyp, elimizdiń on úzdik ustazy anyqtaldy. Bul baıqaýdyń maqsaty – ustazdyq mamandyqtyń mańyzdylyǵyn kórsetip qana qoımaı, sonymen qatar úzdik muǵalimderdiń eńbegin halyqaralyq deńgeıge kórsetý.
Bıylǵy baıqaý rekordtyq kórsetkishti kórsetip Qazaqstannyń túkpir-túkpirinen 2200-den astam pedagog qatysyp, olardyń arasynan 10 úzdik ustaz iriktelip alyndy. Olardyń qatarynda elordalyq eki ustaz bar. Olar Astana qalasyndaǵy №71 mektep-lıtseıiniń matematıka páni ustazy Oktıabrına Jýnıs jáne Ekonomıkalyq lıtseıdiń qazaq tili jáne ádebıeti páni ustazy Nurjan Baısakov. Úzdik on ustazdyń qataryna kirgen elordalyq eki ustazdyń árqaısysyna 1 mıllıon teńgeden aqshalaı syılyq tabys etildi.
Eske sala keteıik, bıyl 9 myńnan astam dáriger biliktiligin arttyrdy.