Astanaǵa kireberis beketterde blokposttar ornatý máselesi qaralyp jatyr – polıtsııa departamenti

ASTANA. KAZINFORM –  Elorda aýmaǵyna kireberis beketterde blokposttar ornatý jaǵy qaralyp jatyr. Bul týraly qalalyq polıtsııa departamenti kóshi-qon basqarmasynyń bastyǵy Erbol Mahmetov málim etti. 

«Biz buǵan deıin de ulttyq qaýipsizdik máselesin únemi kóterip kelemiz. Sizdiń baıandamańyzda aıtylǵandaı, elordada kún saıyn 225 myń kóship-qoný júrip jatyr. Bul ras pa? Osy suraqty qozǵaǵan sebebim, birinshiden qalaǵa quramy taza emes et ákelinip jatyr, ekinshiden esirtki erkin tasymaldanýda, úshinshiden, siz aıtqandaı, ońtústikten adamdar kóship kelip jatyr dep, olardyń kim ekenin biz bilmeımiz», - dedi Astana qalalyq máslıhatynyń zańdylyq, quqyqtyq tártip jáne qoǵammen jumys máseleleri jónindegi turaqty komıssııasynyń tóraǵasy Azamat Aıtqojın usyndy.

Komıssııa tóraǵasynyń aıtýynsha, elimizdiń ońtústik óńirleri arqyly Ózbekstan, Qyrǵyzstan azamattary shekaradan erkin kirip jatyr. 

«Qalaǵa kireberis jerlerde blokposttar qoıý máselesi qaralyp jatyr. Bul másele Іshki ister mınıstriniń aldynda aıtyldy, vedomstvo basshysy kelisedi dep oılaımyn», - dep jaýap berdi Astana qalalyq polıtsııa departamenti kóshi-qon basqarmasynyń bastyǵy Erbol Mahmetov saýalǵa.

Óz kezeginde Azamat Aıtqojın blokposttardy qoıý máselesin tezirek sheshý kerektigin aıtty.