Astanaǵa gaz tartýǵa qarjy bar - Memleket basshysy
«Qalaǵa gaz tartý kún tártibinde tur. Biz - munaı men gaz óndiretin elmiz. ıAǵnı munaı men gaz eldiń bir bóliginde bolsa, elorda basqa bóliginde ornalasqan. Qazirgi kezde biz osynda gaz jetkizý máselesin qarastyryp jatyrmyz. Qyzylorda óńirinen gazdy tartyp, ony Jezqazǵanǵa, Qaraǵandyǵa, Temirtaýǵa, sondaı-aq ary qaraı Astanaǵa, Pavlodarǵa, Petropavlǵa jetkizý jospary bar. Ony júzege asyratyn bolamyz. Ol úshin qarjy da bar. Alaıda bul jumystardy iske asyrýǵa qandaı da bir merzim kerek ekeni anyq», - dedi Nursultan Nazarbaev.
Osy oraıda Prezıdent bul jobanyń iske qosylýyn kútpeı-aq, Astanaǵa suıytylǵan gazdy jetkizýge ýaǵdalastyq jasalǵanyn atap ótti.
«Qazir osyny kútpesten biz suıytylǵan gazdy Astanaǵa jetkizýge kelistik. Ol turmystyq otyn retinde jaǵylady. Biraq ta birtindep qalany elektrli kólikpen jabdyqtap, qoǵamdyq kólikti gazben júrýge kóshirý qajet», - dedi Elbasy.
Aıta keteıik, 22 jeltoqsan kúni Elbasy Nursultan Nazarbaev elimizdegi jetekshi BAQ ókilderine 2017 jyldy qorytyndylaýǵa arnalǵan suhbat berdi. Onda Prezıdent qazaq qoǵamyndaǵy eleýli ózgerister men ózekti máseleler týraly jýrnalıster suraǵyna jaýap berdi. Atalmysh suhbattyń televızııalyq nusqasy búgin respýblıkalyq telearnalardyń efırinen kórsetildi.
