Astanaǵa aǵylǵan kósh qalaı rettelýi kerek
ASTANA. KAZINFORM — Seýl, Sıngapýr sekildi alyp megapolıster ýrbanızatsııany retteýde kóship kelýshiler sanyn shekteý tásilin qoldanbaǵan. Bul týraly «Jańa bastamalar alıansy» qoǵamdyq birlestiginiń jetekshisi Sabyrjan Seıtjanov aıtty.
«Eńbek resýrstaryn damytý» AQ sarapshylarynyń aıtýynsha, 2050 jyly Astana halqynyń sany 3,5 mln adamǵa jetedi. Sondaı-aq, sarapshylar qalanyń demografııalyq damý stsenarııin de jasap shyqty. Bul boljamnyń ereksheligi sol, ol qazirdiń ózinde 25 jyldan keıin bas qalada turatyn mıgranttar men olardan taraǵan urpaqtyń úlesin kórsetip bere alady. Osy boljamǵa sensek, 2050 jyly elorda turǵyndarynyń 47 paıyzyn kóship kelýshiler quraıtyn bolady», — dedi Sabyrjan Jarylqaǵanuly.
Spıkerdiń aıtýynsha, úlken qalalarǵa aǵylǵan kóshti báseńdetýdiń amaly — aýyldardaǵy ómir sapasyn arttyrý.
«Kóshi-qonnyń Astana ómirine tıgizetin áseriniń basqa da aspektilerine mán berý kerek. Spik.kz saraptamalyq portalynyń dereginshe, Astananyń sýmen qamtý júıesi tek 1 mln-nan astam adamǵa eseptelgen. Al is júzinde qazirgi kúni qalada 1,5 mln-nan astam adam turyp jatyr. Qazaqstandyq demograftar, saıasatkerler, áleýmettanýshylar, ekonomıster bul máseleniń sheshimi — aýyldy kórkeıtý dep sanaıdy. ıAǵnı, aýyldaǵy ómir jaqsarsa, qalaǵa aǵylǵan kósh saıabyrsıdy», — dedi ol «Astana jáne kóshi-qon: damý jáne turaqtylyq vektory» atty qoǵamdyq tyńdaýda.
Sabyrjan Seıtjanov halyqaralyq tájirıbeni de zerdeleý mańyzy ekenin aıtty.
«Sıngapýrdy alaıyq, resýrstardy tıimdi basqarý arqyly ýrbanızatsııaǵa tótep bere aldy. Seýl qalasynda da 60-80-shi jyldary halyq sany 2,5 mln-nan 8,3 mln adamǵa ósip, qala ınfraqurylymyna júkteme artqan. Bılik sol kezde kólik qatynasy júıesin jetildirdi, onyń ishine metronyń aınalma jelisi de kiredi. Sýmen qamtý júıesin jańǵyrtty. Qoljetimdi baspanalar saldy. Bul jańa turǵyndardyń qala ómirimen ıntegratsııasyn jeńildetti jáne qalany damytty. Bir atap óterligi, bul qalalarda qalaǵa kóship kelýdi shekteý tásili qoldanylmady», — dedi ol.
Sóz sońynda spıker kóshi-qon tabıǵı úderis qana emes, ár adamnyń konstıtýtsııalyq quqyǵy ekenin atap ótti.
«Qaıda turǵanyna, qaıta týǵanyna qaramastan azamattar el ishinde emin-erkin kóship-qona alady. Bul turǵyda olar ózderin qoǵamnyń bólshegi retinde sezinýi úshin tez sińisip ketýine járdemdesýimiz kerek. Al ınfraqurylymǵa júktemeniń artýy júıeli túrde sheshilýi kerek. Eshbir jaǵdaıda mıgranttar kemsitýshilikke ushyramaýy tıis», — dedi «Jańa bastamalar alıansy» qoǵamdyq birlestiginiń jetekshisi.
Aıta keteıik, buǵan deıin 2050 jyly Astanada halyq sany qansha adamǵa jetetinin jazǵan edik.
