«Astanaenergoservıs» AQ jabylyp, únemdelgen qarjyǵa qystyq tehnıka alynady

NUR-SULTAN. QazAqparat – «Astana» áleýmettik-kásipkerlik korporatsııasynyń 10 kásiporyny jabylady, dep habarlaıdy QazAqparat tilshisi.

Bul týraly elorda ákimi Altaı Kólginov Prezıdent Joldaýyn talqylaý boıynsha qala aktıviniń kezdesýinde málimdedi.

«Astana» ÁKK jelisi boıynsha kásiporyndar sanyn 24-ten 14-ke deıin qysqartýdy josparlap otyrmyz. Bul arqyly jylyna 2 mlrd teńgege deıin únemdeı alamyz. ıAǵnı, qaıtalama qyzmet kórsetip otyrǵan bir ǵana «Astanaenergoservıs» AQ jabýdan jylyna 1 mlrd teńge únemdeledi. Únemdelgen qarajatty qystyq tehnıka alýǵa jumsaımyz. Bizdegi qystyń qatty ekenin bilesizder. Avtopark bolsa eskirdi. Sondyqtan, kvazımemlekettik sektordan únemdelgen ishki rezervterimizdi osyndaı paıdaly isterge jumsaımyz. Qysta qala turǵyndaryna yńǵaıly bolýy úshin tehnıka alamyz», - dedi Altaı Kólginov.

Sonymen birge, ákim qoldanylmaı jatqan jerdi qaıtaryp alý jumystary jóninde baıandady.

«Úsh jylda jalpy aýmaǵy 1,6 myń gektar bolatyn 70 jer telimi qaıtaryp alyndy. Qazir 904 gektar bolatyn 251 jer telimi tekserilip jatyr. Onyń ishinde kommertsııalyq maqsatta 492 jer telimi (429 gektar), aýyl sharýashylyǵy maqsatynda – 50 jer telimi (500 gektar) bar. Sot sheshimimen bıyl ıgerilmegeni úshin 882 gektar bolatyn 6 ınvestıtsııalyq jer telimi alyndy. Bul jumystar áli de jalǵasady», - dedi A. Kólginov.

foto: timagoofy.kz