Astanadan SQO-ǵa kóshetinderge baspana aqysy, sýbsıdııalar men granttar beriledi
Shara «Qýatty óńirler – el damýynyń draıveri» Ulttyq jobasy aıasynda uıymdastyrylady. Munda bazalyq qyzmetterge halyqtyń teń qoljetimdiligin qamtamasyz etý, turǵyn úı-kommýnaldyq jaǵdaıdy jaqsartý jáne turǵyn úı qurylysyn damytý, eldiń kóliktik-tranzıttik áleýetin kóterý esebinen azamattardyń qolaıly ómir súrý ortasyn qurý maqsaty kózdelgen.
«Qonys aýdarý kezinde azamattarǵa 4 mln teńgege deıin baspana satyp alýǵa sertıfıkat beriledi. Otbasynyń ár múshesine 70 AEK (241 500 teńge) sýbsıdııa beriledi. Bir jylǵa deıin turǵyn úı jaldaý aqysy tólenedi. Qaıtarymsyz granttar 400 AEK (1 380 000 teńge) kóleminde beriledi. Turaqty jumys tabýǵa kómek kórsetiledi, búginde jalpy 118 bos jumys orny bar», - dep jazylǵan qala ákimdiginiń saıtynda.
Jambyl aýdany – Soltústik Qazaqstan oblysynyń soltústik-shyǵys bóliginde ornalasqan, Reseıdiń Qorǵan oblysymen jáne Qostanaı oblysymen, Mamlıýt, Esil, Shalaqyn jáne Tımırıazev aýdandarymen shektesedi. Aýdanda 22,5 myń adam turady.
Oblys ekonomıkasynyń negizgi salasy – aýyl sharýashylyǵy, onyń ishinde ósimdik jáne mal sharýashylyǵy.
Aýdanda 12 avtobýs (2 aýyldyq, 1 qalaaralyq jáne 9 qalalyq), mektepke deıingi 30 bilim berý mekemesi, 33 orta mektep, 1 óner mektebi, 1 kásiptik lıtseı, 6 mektep-ınternat bar.
