Astanadan Almatyǵa ushpaq bolǵan jolaýshy jarylǵysh zat týraly ázili úshin isti boldy

ASTANA. QazAqparat – Astana áýejaıynda jarylǵysh zat týraly orynsyz ázil aıtqan jolaýshynyń ústinen qylmystyq is qozǵaldy, dep habarlaıdy QazAqparat.

Astana áýejaıynda «Astana-Almaty» reısine tirkelý kezinde qazaqstandyq jolaýshy «ózinde jarylǵysh zattyń bar ekendigi» týraly ázildep aıtqan. Avıatsııalyq qaýipsizdik qyzmeti dabyl qaǵyp, quqyq qorǵaý organdarymen birlese áýejaı aýmaǵynan kúdikti zatty izdeýge májbúr boldy.

Orynsyz ázildegen jolaýshyǵa qatysty QR QK-niń 273-baby («Terrorızm aktisi týraly jalǵan habarlama») boıynsha qylmystyq is qozǵaldy. Bul – álemdik tájirıbeden alynǵan jaǵdaılarǵa negizdelgen qaýipsizdik standarty.

Avıatsııalyq qaýipsizdik basqarmasy qazaqstandyqtardy óz minez-qulqyna jaýapkershilikpen qaraýǵa, sondaı-aq qol júgi men bagaj bóliginde tasymaldaýǵa tyıym salynǵan zattardyń tizimimen aldyn ala tanysýǵa shaqyrady.