Astanadaǵy modaldik jalaqy respýblıkalyq kórsetkishten birneshe ese kóp
Astanalyqtar qansha aılyq alyp júr?
2022 jyldyń qorytyndy statıstıkasy boıynsha, byltyr astanalyqtardyń ortasha jalaqysy 344 691 teńge bolǵan. Bul respýblıkalyq ortasha jalaqy mólsherinen 94 380 teńge kóp. Óıtkeni respýblıka boınysha ortasha aılyq mólsheri 250 311 teńge dep belgilengen edi. Óıtkeni respýblıka boıynsha ortasha aılyq mólsheri 250 311 teńge dep belgilengen edi. Al modaldik aılyq (qala boıynsha eń kóp kezdesetin aılyq mólsheri – red.) 247 498 teńge bolypty. Bul respýblıkalyq kórsetkishten 178 933 teńge artyq. Respýblıka boıynsha modaldik jalaqy mólsheri - 68 565 teńge ǵana. Bul kórsetkish boıynsha Astanamen Almaty ǵana úzeńgi qaǵystyryp tur – 247 371 teńge. Qalǵan óńirlerdiń kórsetkishi 100 myń teńgege de jetpeıdi.
Al medıanalyq jalaqy (tirkelgen jalaqy somalary shkalasynyń teń ortasynda turǵan shama) - 258 535 teńge bolǵan. Respýblıka boıynsha medıanalyq jalaqy mólsheri 204 149 teńgeni quraǵan. ıAǵnı, bul shama boıynsha Astananyń kórsetkishi respýblıkalyq kórsetkishten joǵary.
Astanadaǵy eńbekke jaramdy er adamdardyń jalaqysy áıelderge qaraǵanda joǵary. Medıanalyq jalaqy erlerde 278 792 teńge bolsa, áıelder arasynda 246 981 teńgeni quraǵan.
Al modaldik jalaqy erlerde 247 045 teńge bolsa, áıelderde 247 693 myń teńge bolǵan.
Astanalyq erlerdiń arasyndaǵy ortasha jalaqy 383 150 teńge, áıelder arasyndaǵy ortasha jalaqy 306 719 teńge bolǵan.
Halyqtyń jan basyna shaqqandaǵy tabysy
Resmı statıstıka boıynsha, 2023 jyly Qazaqstan halqynyń jan basyna shaqqandaǵy ortasha ataýly aqshalaı tabysy 130 616 teńge bolǵan. Al Astana halqynyń jan basyna shaqqandaǵy ortasha ataýly aqshalaı tabysy 194 398 teńgeni quraǵan.
Endi bul tabysty astanalyqtar qalaı jumsap júrgeninen toqtalyp kóreıik. Ol úshin halyqtyń túrli shyǵyndarǵa óz tabysynyń neshe paıyzyn jumsaıtynyna nazar aýdaryp kóreıik.
Astana halqynyń shyǵystary:
Et pen et ónimderine – 15,5 %.
Azyq-túlik emes taýarlar – 9,3 %.
Kıim, mata jáne aıaq kıim – 7,9 %.
Kommýnaldy qyzmetter, turǵyn úıdi kútip ustaý jáne jóndeý – 7,4 %.
Nan ónimderi men jarma ónimderi – 6,8 %.
Sút ónimderi – 5,3 %.
Jıhaz, úı ishine kerekti zattar men turmystyq tehnıka – 4,9 %.
Jemister – 4,4 %.
Ózge azyq-túlik taýarlary – 4,1 %.
Ózge aqyly qyzmetter – 4%.
Baılanys qyzmetteri – 3,8 %.
Kókónister – 3,7 %.
Kólik qyzmetter – 3%.
Qant, kondıterlik ónimder jáne táttiler – 2,8%.
Densaýlyq saqtaý – 2,7%.
Bilim berý – 2,5 %.
Maı jáne toń maı – 2,3 %.
Alkogolsiz sýsyndar – 2,1 %.
Balyq jáne teńiz ónimderi – 1,7%.
Dári-dármekter, óńdeý jabdyqtary jáne apparatýralar – 1,8 %.
Jumyrtqa – 1,1 %.
Bos ýaqytty ótkizý jáne mádenı qyzmetter shyǵyny – 1,1%.
Basqa sanatqa jatyzylmaǵan tamaq ónimderi – 1%.
Turǵyn úı-jaıdy kútip ustaý men jóndeý materıaldaryna ketetin shyǵyn – 0,7 %.
Suıytylǵan gaz jáne otynnyń ózge túrleri – 0,2%.
Áleýmettik tólemder
2023 jyldyń І toqsanynda Astana bıýdjetinen turǵyndarǵa qansha áleýmettik tólem bólgenin mynan kesteden kórýge bolady:
r/b № | Ataýy | sany (adam) | 2023 jylǵy sáýirinde tólengeni, (mlrd. teńge) | jyl basynan barlyǵy, (mlrd. teńge) |
1. | Jasy boıynsha zeınetaqy | 119 257 | 12 287,0 | 48 989,0 |
2. | Memlekettik bazalyq zeınetaqylyq tólem | 112 698 | 4 334,0 | 17 277,0 |
3. | Memlekettik áleýmettik járdemaqy | 3 5521 | 1 970,0 | 9 831,0 |
4. | Arnaıy memlekettik járdemaqy | 39 321 | 1 856,0 | 7301 |
5. | Memlekettik arnaıy járdemaqy | 52 | 1,7 | 7,2 |
6. | Aqtalǵan jappaı saıası qýǵyn-súrginder qurbandaryna birjolǵy aqshalaı ótemaqy | |||
7 | Semeı ıadrolyq polıgonynda ıadrolyq zertteýler saldarynan zardap shekken adamdarǵa bir jolǵy aqshalaı ótemaqy | 32 | 1,4 | 3,9 |
8 | Bala týýǵa baılanysty beriletin bir jolǵy memlekettik járdemaqy | 2 042 | 30,5 | 133,6 |
9 | Bir jasqa deıingi balalardy kútýge baılanysty memlekettik járdemaqy | 5 648 | 157,3 | 574,6 |
314 571 | 20 637,9 | 84 117,3 | ||
119 257 | 12 287,0 | 48 989,0 |