Astanadaǵy Qabanbaı batyr dańǵyly ishinara jabyldy

NUR-SULTAN. QazAqparat - Nur-Sultan qalasynyń kólik jáne jol-kólik ınfraqurylymyn damytý basqarmasy Qabanbaı batyr dańǵylynda jol tóseminiń ortasha jóndeý jumystary bastalǵanyn eske saldy, dep habarlaıdy QazAqparat ákimdiktiń resmı saıtyna silteme jasap.

Osyǵan baılanysty, 29 sáýir men 2 mamyr aralyǵynda Qorǵaljyn tasjolynan Saraıshyq kóshesine deıingi ýchaskede avtokólik quraldary úshin qozǵalys tolyǵymen jabylady.

Qala joldarynda keptelis týdyrmaý úshin elorda turǵyndary men qonaqtary óz qozǵalys baǵytyn aldyn ala josparlaýy qajet.

Basqarma qala turǵyndaryn jóndeý jumysyn júrgizýge túsinistikpen qaraýǵa shaqyrdy.

City Transportation Systems kompanııasynyń habarlaýynsha, №№ 1 A, 18, 21, 28, 37, 45, 52, 70 avtobýs baǵdarlarynyń qozǵalys syzbasy ýaqytsha ózgergen.