Astanadaǵy ınvestıtsııalyq forým aıasynda 1 mlrd dollardyń 25 qujatyna qol qoıylady

ASTANA. QazAqparat – Astanada ótip jatqan eki kúndik ınvestıtsııalyq formý aıasynda 1 mlrd dollardyń 25 qujatyna qol qoıylady, dep habarlaıdy QazAqparat tilshisi. Bul týraly Syrtqy ister mınıstriniń orynbasary Almas Aıdarov BAQ ókilderiniń suraǵyna bergen jaýabynda aıtty.

«Búgin Syrtqy ister mınıstrligi jyl saıynǵy ınvestorlar forýmyn uıymdastyryp jatyr. Maqsaty – bir jyl boıynda baılanys ornatqan jańa kompanııalardy Qazaqstanǵa shaqyryp, jaqynyryaq tanysý. Keıbir kompanııalar pandemııaǵa baılanysty keıingiekijylda Qazaqstanǵa kele almaǵan. Solardy qosqanda300-ge jýyq kompanııa kelip otyr. Olar ár túrli salalardan. Bıylǵy forým taqyryby – aýyl sharýashylyǵy men logıstıka bolyp otyr. Sebebi qazirgi Ýkraında bolǵan jaǵdaıǵa, pandemııaǵa, bizdiń ózimizdiń Qańtar oqıǵalaryna baılanysty kóp dúnıe ózgerip jatyr. Eýrazııa qurlyǵynda lıngvıstıkalyq klımattyń ahýaly da, logıstıkalyq qatynastar da ózgeriske túsýde. Sol sebepti jańa áriptesterge Qazaqstandaǵy jaǵdaıdy kórsetip jatyrmyz», - dedi mınıstrdiń orynbasary.

Sondaı-aq ol ınvestorlar erteń óńirlerge shyǵatynyn atap ótti.

«Búgin olardyń bári Astanada bolsa, erteń oblystarǵa ketedi. Oblys ákimderiniń orynabasarlary osynda júr. Solar ózderine kelgen ınvestorlardy alyp ketedi. Osy forým aıasynda 25 qujatqa qol qoıylady. Olardyń somasy shamamen 1 mlrd dollarǵa jaqyndaıdy. Olar: medıtsına salasy, Quryq portyn keńeıtý jobasy, Shyǵys Qazaqstan oblysyndaǵy lıtıı ken ornyn ıgerý jobasy jáne aýyl sharýashylyǵyndaǵy kóptegen jobalar», - dedi Almas Aıdarov.