Astanadaǵy EKSPO-nyń birinshi júldesi Qytaı sáýletshisine berildi

ASTANA. QazAqparat -Beıjińde G-GLOBAL halyqaralyq hatshylyǵynyń (Qazaqstan Prezıdenti Nursultan Nazarbaevtyń bastamasymen qurylǵan platforma) turaqty hatshysy Sergeı ıAkýshevıch Astanadaǵy EXPO-2017-niń birinshi júldesin tapsyrdy. Júlde qytaı sáýletshisi Shý ıÝnǵa «Jibek jolynyń altyn kópiri» skýlptýrasy úshin berildi, dep jazady Sınhýa . 

Ashyq kók tústi farfordaǵy «Jibek jolynyń altyn kópiri» skýlptýrasynyń nusqasy «Beldeý jáne jol» bastamasynyń kórkemdik tujyrymdamasy jáne Astanada ótken 2017 jylǵy dúnıejúzilik kórmeniń biregeı jádigeri atandy.

Qytaıdyń óner qaıratkeri Shý ıÝn jibekten «Beldeý jáne jol» boıynda ornalasqan elderdiń ulttyq gúlderin jasap, jasandy káriptastan salynǵan kirpishterge ornalastyrǵan. Keıin ony Chjaochjoýdaǵy tanymal Qytaı kópiriniń úlgisi boıynsha «Jibek jolynyń altyn kópirin» qurastyrǵan.
 

Kópirdiń uzyndyǵy 28 metr. Músin Qytaıdyń «Beldeý jáne jol» bastamasyn ártúrli eldermen ortaqtasyp iske asyrýǵa jáne bir taǵdyr, ortaq múddeler men jalpy jaýapkershilikke ıe jahandyq qaýymdastyqty qurýǵa nıetti ekendigin bildiredi.

Sergeı ıAkýshevıch Shý ıÝnǵa arnaıy marapatty tabystaı otyryp, «Jibek jolynyń altyn kópiri» skýlptýrasynyń álemdik damý úshin «Beldeý jáne jol» bastamasynyń ońtaıly maǵynasyn beınelep, taǵdyry bir qoǵamdastyqtyń keremet tujyrymdamasyn kórsete bilgenin atap ótti.