Astanadaǵy birqatar alańdarda merekelik sharalar ótýde (FOTO)

ASTANA. QazAqparat - Astanadaǵy birqatar alańdarda Konstıtýtsııa kúnine oraı merekelik sharalar ótip jatyr.

Atap aıtqanda, merekelik kontsertter estrada juldyzdarynyń qatysýymen «Báıterek» monýmenti alańynda, Stýdenttik saıabaqta jáne Ortalyq alańda uıymdastyryldy. Sonymen qatar merekelik kontserttiń qonaqtary úshin patrıottyq jáne halyq ánderi, mýzykalyq aspaptarda oınaý sekildi ár túrli shyǵarmashylyq nómirler usynyldy.

Elorda turǵyndary men qonaqtary Zattybek Kópbosynov, Marjan Arapbaeva, Dosymjan Tańatarov, Ardaq Balajanova, «Jigitter» toby jáne ózge de kóptegen tanymal ártisterdiń qatysýymen ótetin qyzyqty kontserttik baǵdarlamany tamashalaýda. Sonymen qatar, Memlekettik akademııalyq fılarmonııa ártisteri men «Terra» bı teatrynyń ártisteri de óz shyǵarmashylyǵyn kópshilik nazaryna usynatyn bolady.