Astanadaǵy bas shyrshanyń shamdary jaǵyldy

ASTANA. QazAqparat – Búgin, ıaǵnı 19 jeltoqsanda elordadaǵy EXPO kórme kesheniniń alańynda elimizdiń bas shyrshasynyń shamdaryn jaǵý rásimi ótti, dep habarlaıdy QazAqparat Astana ákimdiginiń resmı saıtyna silteme jasap.

«Qurmetti elordamyzdyń turǵyndary men qonaqtary! Jańa jyl qarsańynda sizderge merekelik kóńil kúı, qýanysh, otbasylaryńyzǵa zor densaýlyq tileımin! Astanamyz damyp, órkendeı bersin! Aldaǵy jyl qala úshin berekeli bolsyn! Búgin jańa jyl merekesin bastaǵaly otyrmyz. Mundaı is-sharalar áli de kóp bolady. Qalamyzdyń barlyq aýdanynda muzaıdyndar men syrǵanaqtar jasalyp jatyr, onda árbir adam bos ýaqytyn kóńildi ótkize alady», - dedi Astana ákimi Jeńis Qasymbek saltanatty sharada.

Іs-shara Astana Muz Fest aýqymdy qysqy festıval aıasynda ótkizildi. Shyrsha shamdaryn jaǵý rásimi aldynda elorda turǵyndary men qonaqtaryna «Ǵajaıyptar túni» ertegi muz-shoýy kórsetildi.

Shyrshanyń bıiktigi – 25 metr. Ol júzdegen shamshyraqpen bezendirilgen, atap aıtqanda 750 metr gırlıand, 360 jaryqsham jáne 900-den astam shyrsha shary qoldanyldy.

Foto: gov.kz