Astanadaǵy balabaqsha tárbıeshileriniń 32%-ynda arnaıy bilim joq

ASTANA. QazAqparat – Elordada 1 myńnan astam salalyq bilimi joq balabaqsha tárbıeshisi qaıta daıarlaýdan ótti. Bul týraly Astana qalasy bilim basqarmasynyń basshysy Qasymhan Senǵazyev málim etti, dep habarlaıdy QazAqparat tilshisi.

«Kadr – mańyzdy máselelerdiń biri. Qazir mektepke deıingi bilim berý uıymdarynda 4 209 pedagog eńbek etip jatyr. Onyń ishinde 2 719 maman memlekettik balabaqshada jumys isteıdi. Pedagogterdi attestatsııadan ótkizgende qoıylatyn talaptardyń biri – olardyń biliktiligin kóterý. Bıylǵy oqý jylynda 651 pedagog biliktiligin arttyrý kýrsynan ótti. Atqarylyp jatqan jumystarǵa qaramastan, kadr boıynsha problema bar. Máselen, elordada balabaqsha pedagogteriniń 32%-nyń arnaıy bilimi joq, ıaǵnı olar pedagog, biraq, mektepke deıingi bilim berý boıynsha emes», - dedi Qasymhan Senǵazyev elorda máslıhatynyń otyrysynda.

Onyń aıtýynsha, búginde bilimi sáıkes kelmeıtin 1 053 tárbıeshi qaıta daıarlaýdan ótti.

«Taǵy qaıta daıarlaýdan ótýi tıis memlekettik balabaqshalarda 770, al jekemenshik balabaqshalarda 312 tárbıeshi bar. Kadr tapshylyǵy máselesin sheshý úshin qala ákimdigi jyl saıyn pedagogıkalyq kolledjderge memlekettik tapsyrys bóledi. Bıyl 500 orynǵa memlekettik tapsyrys berildi», - deıdi ol.

Buǵan deıin elordada ınvestorlar esebinen birneshe balabaqsha salynatyny aıtylǵan edi.

Sondaı-aq, kún saıyn balabaqsha kezegine 90-100 ótinish bereletini habarlandy.