Astanadaǵy aýrýhanalar Ońtústik Koreıanyń medıtsınalyq uıymdaryna uqsas bolady
Aıta keteıik, 2017 jyldan bastap densaýlyq saqtaý ınfraqurylymynyń biryńǵaı perspektıvalyq josparyn damytýǵa sáıkes, 2025 jylǵa deıingi tıisti jospar ázirlendi.
«Osy jańa tártip boıynsha 2018 jyldan bastap Astanadaǵy medıtsınalyq uıymdardy birkelki tártipke keltirip jatyrmyz. Tıisti jol kartasy da bekitilip, qujatty iske asyramyz. Atalǵan buıryqtyń negizgi maqsaty kópbeıindi úlken statsıonarlardy qurýǵa baılanysty. Sáıkesinshe, biz aýqymdy aýrýhanalardy qurýǵa tyrysatyn bolamyz. Bul aýrýhanalardyń qurylymynda adam densaýlyǵyn túzeýge qajetti barlyq nysandar qamtylmaq», - dedi T. Muratov.
Onyń sózine qaraǵanda, qazir qoldanystaǵy aýrýhanalardy birimen-birin aldaǵy ýaqytta, ıaǵnı 2025 jylǵa deıin birtindep biriktirip, irilendirý jolymen úlken medıtsınalyq uıymǵa aınaldyrý kózdelgen.
Osy oraıda bul sharalar álemdik tájirıbege saı iske asyrylyp jatyr.
«Koreıada nemese Eýropada jekeleı ınfektsııalyq aýrýhanany, bólek narkologııalyq ortalyqty kezdestirmeımiz. Bul baǵyttaǵy qadamdardyń barlyǵy adamdarǵa qolaıly bolýy úshin jasalyp jatyr. Qala turǵyny bir medıtsınalyq mekemege kelip, barlyq máselesin bir jerde sheshedi», - dep túsindirdi T. Muratov.
Osy oraıda ol aldaǵy ýaqytta bólek onkologııalyq, narkologııalyq, psıhıatrııalyq jáne ınfektsııalyq qyzmetter bolmaıtynyn sóz etti.
«Bul qyzmetter biryńǵaı kópbeıindi statsıonarlardyń quramyna enedi»,- dep naqtylady ol.