Astanadaǵy Jelilik saıabaqqa kimniń esimi beriledi – ákim jaýaby

ASTANA. KAZINFORM — Astana ákimi Jeńis Qasymbek Jelilik saıabaqqa kimniń esimi beriletinine baılanysty pikir bildirdi.

— Qaladaǵy Aqmeshit jáne Túrkistan kósheleriniń ortasyndaǵy saıabaq nege áli kúnge deıin Jelilik saıabaq degen jumys ataýymen kele jatyr? Ony qandaı da bir tulǵanyń atyna saqtap otyrsyzdar ma, — dep surady jýrnalıst.

Jeńis Qasymbek saıabaqtyń atyn ózgertý josparda joq ekenin aıtty.

— Ol sol Jelelik saıabaq degen ataýymen qalady. Qazir Bas jospar boıynsha solaı atalady. Basqa eshkimniń atyn berý týraly jospar bizde joq. Resmı túrde sizge aıtamyn. Saıabaq Botanıkalyq baqqa deıin jalǵasady, — dedi ákim.

Sondaı-aq, ol Saraıshyq aýdany turǵyndarymen kezdesýde LRT-de jol júrý bıletiniń baǵasy qansha bolatynyn aıtty.