Astanadaǵy meıramhanalardyń birinde órt shyqty

ASTANA.KAZINFORM — Osy sátte elordalyq órt sóndirýshiler Esil aýdanyna qarasty Máńgilik El dańǵylynda ornalasqan meıramhanada tutanǵan órtti sóndirýge bar kúshin salyp jatyr. Bul týraly TJM málim etti. 

— Qutqarýshylar joǵary dárejede jumys jasap, órtti óshirýge tyrysyp jatyr. Oqıǵanyń mán-jaıy anyqtalady, — delingen habarlamada.

Eske sala keteıik, buǵan deıin elordanyń Táýelsizdik dańǵyly men Aqyrtas kóshesiniń qıylysynda 2 qabatty dámhananyń bılıard bólmesinen órt shyqqanyn jazǵan edik. Kelgen qutqarýshylar órtti jedel túrde sóndirip, baspaldaqtyń kómegimen ǵımarattyń shatyry arqyly dámhananyń 2 qyzmetkerin qutqarǵan bolatyn.

«Qazgıdromet» RMK-sy buǵan deıin ystyq aýa raıyna baılanysty 8 oblysta órt qaýpi saqtalatynyn eskertken edi.