Astanadaǵy kóterme-bólshek saýda bazary órtendi
ASTANA. KAZINFORM – Elorda órt sóndirýshileri Saryarqa aýdanyndaǵy Yqylas Dúkenuly kóshesinde ornalasqan kóterme-bólshek saýda bazarynda shyqqan órtti sóndirdi, dep habarlaıdy TJM
Aldyn ala málimet boıynsha, angar tıpindegi bir qabatty ǵımarattaǵy eki dúńgirshek jalynǵa oranǵan. Oqıǵa ornynda jedel shtab qurylyp, sýdyń úzdiksiz berilýi qamtamasyz etildi.
Qutqarýshylardyń aıtýynsha, órt sóndirý jumystary ot tolyq laýlap janǵan sátte bastalǵan, ǵımarattyń qurylystyq ereksheligi men joǵary órt júktemesi jáne qoıý tútin jaǵdaıdy kúrdelendirgen.
Ǵımarat ishinde adamdardyń bar-joǵy tekserildi, órt bolǵan sátte kelýshiler bolmaǵan.
Tótenshe jaǵdaılar departamentiniń málimetinshe, órttiń taralý qaýpi joıylyp, ashyq jalyn aýyzdyqtaldy. Qazir órt sóndirýshiler jasyryn janý oshaqtaryn anyqtaý úshin dúńgirshekterdiń artqy bólmelerin tekserip jatyr.
Órtti sóndirýge jeke quramnan 95 qyzmetker jáne 25 tehnıka jumyldyrylǵan.
Aıta keteıik, Alataý qalasynda alapat órt bolǵan qoqys polıgony jabyldy.