Astanadaǵy kópqabatty úıdegi órtten 33 adam evakýatsııalandy

ASTANA. KAZINFORM – Elordadaǵy Nura aýdanynda ornalasqan kópqabatty turǵyn úıdiń bir páterinde órt shyǵyp, qutqarýshylar 33 adamdy, onyń ishinde 6 balany qaýipsiz jerge shyǵardy.

Oqıǵa Turan dańǵylyndaǵy 9 qabatty turǵyn úıdiń ekinshi qabatynda bolǵan. Órt týraly habar túskennen keıin TJM bólimsheleri dereý oqıǵa ornyna jetken.

- Alǵashqy bólimsheler kelgen sátte páterdiń birinde jeke zattardyń janǵany anyqtalǵan.

Qutqarýshylardyń jedel jáne úılesimdi áreketteriniń arqasynda joǵarǵy qabattardan 33 adam, onyń ishinde 6 bala evakýatsııalandy, - dep jazdy vedomstvodan.

Qazirgi ýaqytta órttiń shyǵý sebebi anyqtalyp jatyr.

Aıta keteıik, keshe «Astana Arena» stadıonynan órt shyqty.