Astanadaǵy forýmda jaqyn jáne alys shetelderden kelgen 400-ge jýyq nefrolog bas qosty
ASTANA. KAZINFORM — Astana qalasyndaǵy nefrologtar kongresiniń alańynda búırek aýrýlaryn basqarýdyń úzdik praktıkalary talqylandy.
Astanada Túrki álemi, Eýropa, AQSh, Saýd Arabııasy, Túrkııa memleketteriniń jetekshi sarapshylarynyń qatysýymen nefrologtardyń, dıalız dárigerleriniń jáne transplantologtardyń Ortalyq Azııa kongresi ótýde.
Búırek aýrýy — búkil álem boıynsha 750 mıllıonnan astam adamǵa áser etetin jahandyq densaýlyq saqtaý máselesi.
«Búırek fýnktsııasy tómendegen patsıentter sanynyń popýlıatsııadaǵy jyldam ósýi joǵary mamandandyrylǵan emes, biraq aýyr áleýmettik-ekonomıkalyq saldary bar jalpy medıtsınalyq pánaralyq másele. Ǵylymı baǵdarlama zamanaýı zertteýlerdiń keń aýqymyn, úzdik klınıkalyq praktıkalardy, aýrýlardy basqarýdaǵy halyqaralyq jáne tıimdi tásilderdi jáne búırektiń sozylmaly aýrýlarynyń damý qarqynyn usynady», — dep atap ótti Densaýlyq saqtaý mınıstri forýmǵa qatysýshylarǵa arnalǵan quttyqtaý sózinde.
Nefrologtar qaýymdastyǵy búırektiń sozylmaly aýrýyn (BSA) erte anyqtaý, halyqtyń búırek patologııalary týraly habardarlyǵyn arttyrý sheńberinde MSAK dárigerleriniń saqtyǵyn arttyrý máselelerine erekshe mán beredi. Sonymen qatar skrınıngter júrgizýdiń, anyqtalǵan patsıentterdiń jaı-kúıin baqylaýdyń jáne aýrýdyń órshýine jol bermeý maqsatynda olarǵa keshendi terapııa kórsetýdiń ózektiligi artty.
Qazaqstanda nefrologııany damytý salasyndaǵy álemdik úrdisti eskere otyryp, medıtsınalyq qyzmet kórsetýdiń sapasy men deńgeıiniń halyqaralyq standarttaryn ózektendirý jáne engizý júrgizilýde. Asqynýlardyń aldyn alý jáne dınamıkalyq baıqaý úshin Qazaqstanda búırek fýnktsııasynyń erte buzylýyn anyqtaý boıynsha birqatar zertteýlerdi qosa alǵanda, aýrýlardy basqarý baǵdarlamalary engizildi.
Búırektiń sozylmaly aýrýy bar patsıentterge kórsetiletin medıtsınalyq kómekti jaqsartý maqsatynda mınıstrlik mynadaı sharalardy qabyldaıdy:
— joǵary medıtsınalyq oqý oryndarynyń klınıkalyq bazalarynda nefrologııa boıynsha respýblıkalyq Nefrologııa ortalyǵy men óńirlik quzyrettilik ortalyqtary qurylady;
— retsıpıent pen donordyń pasportyn eskere otyryp, Kútý paraǵyn qalyptastyrýdy ózektendirý júrgiziledi;
— kadrlardy daıarlaý «Nefrologııa» mamandyǵy boıynsha rezıdentýranyń jańartylǵan bilim berý baǵdarlamasyna sáıkes júrgiziledi;
— gemodıalızge, perıtonealdi dıalızge jáne búırek transplantattaýyna joǵary shyǵyndy qyzmetter kórsetý sapasynyń monıtorıngi.
Kongress alańynda búırektiń sozylmaly aýrýy problemalarynyń asa mańyzdy pánaralyq jáne úılestirýshi aspektileri, QR densaýlyq saqtaý salasynyń dıalız jáne búırek transplantattaýyna jumsalatyn áleýmettik — ekonomıkalyq shyǵystarynyń aýyrtpalyǵyn taldaý, ǵylymı-bilim berý platformasyn qalyptastyrý jáne halyqaralyq deńgeıdegi emdeý men dıagnostıkanyń ınnovatsııalyq tehnologııalaryn engizý talqylandy.
Forýmnyń paneldik pikirtalastarynda Eýropalyq Renaldyq qaýymdastyqtyń, Germanııa Federatsııalyq Respýblıkasynyń, AQSh, Ulybrıtanııa, Túrkııa, Saýd Arabııasy, Reseı, Ózbekstan jáne Qyrǵyzstannyń bedeldi ǵalymdary men tájirıbeshileri baıandama jasady.
Eki kúndik Ortalyq Azııa nefrologııa kongresi elordada jaqyn jáne alys shetelderden 400-ge jýyq jetekshi mamandardy jınady.
Buǵan deıin habarlaǵanymyzdaı, Densaýlyq saqtaý mınıstrligi «Analar saýlyǵy» baǵdarlamasyn ázirledi.
