Astanada jolaýshylar avtobýsy túgi qalmaı janyp ketti

ASTANA. KAZINFORM — Astana qalasy TJD baspasóz qyzmeti málim etkendeı, órt kezinde avtobýsta jolaýshylar bolmaǵan.

Elordalyq órt sóndirýshiler Nura aýdany Qabanbaı batyr dańǵylynda avtobýstyń janýyn oqshaýlap, saǵat 14:58–de tolyǵymen sóndirgen.

— Órt tolyǵymen sóndirildi. Zardap shekkender joq. Naqtylanǵan málimetter boıynsha avtobýsta jolaýshylar bolmady. Órttiń sebebi anyqtalýda. Oqıǵa ornynda 2 tehnıka, 10 adam jumyldyryldy, — dedi Astana qalasy TJD Asqar Zabıkýlın atyndaǵy 6-MÓSB bastyǵy Nursýltan Oshaqbaev.

TJM azamattardy saq bolýǵa shaqyrady.

— Jolda kóligińiz órtenip bastasa, kólikti dereý toqtatyp, kólikten shyǵyp ketýińizdi suraımyz!, — dep eskertti vedomstvo.

Buǵan deıin habarlaǵanymyzdaı, Pavlodarda órtengen ǵımarattan adamnyń múrdesi tabyldy.