Elordada jyl basynan beri júzdegen zań buzý anyqtaldy
ASTANA. KAZINFORM — Osy jyldyń basynan bastap Astananyń barlyq alty aýdanynda veıp pen nasybaıdyń zańsyz taralýy men qoldanylýyn anyqtaý boıynsha reıdter jalǵasyp jatyr. 2025 jyldyń úsh aıynda qalada myńdaǵan saýda oryndary tekserilip, júzdegen zań buzý anyqtaldy.
Jedel profılaktıkalyq is-sharalardy aýdandyq ákimdikterdiń qyzmetkerleri Astana polıtsııa departamentimen birlesip júrgizedi. Reıdter jeke kásipkerlik obektilerin — saýda ortalyqtaryn, azyq-túlik dúkenderin qamtıdy.
Esil aýdanynda jyl basynan beri qoǵamdyq oryndarda shegilmeıtin temeki ónimderi men kalıandardy tutynýdy baqylaý boıynsha 30 reıd júrgizildi. Tekserý qorytyndysy boıynsha 523 quqyq buzýshylyq anyqtaldy, jalpy somasy 18 868 235 teńgege 523 ákimshilik hattama jasaldy, onyń 14 749 465 teńgesi óndirildi.
— Jyl basynan beri Nura aýdanynda 21 kásipkerlik obektisine profılaktıkalyq túsindirý júrgizildi. Tekserý barysynda zań buzýdyń 12 jaǵdaıy anyqtaldy, onyń ishinde qyzdyrylatyn temekisi bar ónimder, kalıanǵa arnalǵan temeki, kalıan qospalary, temekini qyzdyrýǵa arnalǵan júıeler, elektrondy temeki jáne olarǵa arnalǵan suıyqtyqtar bar. Reıd qorytyndysy boıynsha qoǵamdyq oryndarda kalıan shegýge qatysty tyıymdy buzǵan mekemelerge kelýshilerge qatysty 65 ákimshilik hattama jasaldy. Aıyppuldardyń jalpy somasy 3 mln 325 myń teńgeni qurady. Mekeme ákimshileri men ıeleri de jaýapkershilikke tartyldy, — delingen Astana qalasy ákimdigi habarlamasynda.
Almaty aýdanynyń aýmaǵynda kalıan tutyný jáne satý jaǵdaılaryn anyqtaý boıynsha 11 reıdtik is-shara ótkizildi. 45 jeke tulǵaǵa aıyppul salyndy, sonymen qatar shegilmeıtin temeki ónimderin — nasybaı men snıýsti satýdy anyqtaý úshin 6 reıd júrgizildi. 20 dúken anyqtaldy, 500-den astam shegilmeıtin temeki ónimderi tárkilendi, barlyq quqyq buzýshy jaýapqa tartyldy.
Saryarqa aýdanynyń ákimdigi múddeli memlekettik organdarmen birlesip 15 reıdtik is-shara ótkizdi, oǵan memlekettik organdar men qoǵam ókilderi qatysty. Jyl basynan beri aýdan boıynsha qoǵamdyq oryndarda kalıan shegetin buzýshylarǵa qatysty ÁQBtK 441-baby boıynsha 115 ákimshilik hattama jasaldy.
Saraıshyq aýdanynda 2025 jyldyń basynan bastap ÁQBtK-niń 196-baby boıynsha shegilmeıtin temeki ónimderin zańsyz satqany úshin 196 600 teńge kóleminde aıyppul salyndy. 58 dana shegilmeıtin temeki ónimderi anyqtaldy: 26 dana snıýs jáne 32 dana nasybaı. Reıd barysynda 6 saýda nysany tekserildi, satý faktileri anyqtalyp, dúken ıeleri aıyppul túrinde ákimshilik jaýapkershilikke tartyldy.
Baıqońyr aýdanynyń aýmaǵynda shegilmeıtin temeki ónimderin — nasybaı men snıýsti satý jaǵdaılaryn anyqtaý boıynsha 16 reıdtik is-shara ótkizildi. 28 dúken anyqtaldy, 20 kg-dan astam shegilmeıtin temeki ónimderi tárkilendi, barlyq quqyq buzýshy ákimshilik jaýapkershilikke tartyldy. Sondaı-aq, Baıqońyr aýdanynda QR Ákimshilik quqyq buzýshylyq týraly Kodeksiniń 441-babyna sáıkes qoǵamdyq tamaqtaný oryndarynda temeki ónimderin, onyń ishinde qyzdyrylatyn temeki, kalıan ónimderin tutyný faktileriniń aldyn alý jáne jolyn kesý boıynsha reıdtik is-sharalar belsendi túrde jalǵasyp jatyr. Jyl basynan beri barlyǵy 49 jaǵdaı anyqtaldy, 136 adamǵa 4 124 280 teńge aıyppul salyndy.
Sondaı-aq, reıdter barysynda shegilmeıtin temeki ónimderin satýǵa jol bermeý týraly shaǵyn jáne orta bıznes ıeleri profılaktıkalyq túsindirý júrgizildi.
— Shegilmeıtin temeki ónimderin zańsyz satatyn saýda oryndaryna jáne veıp satýshylarǵa ákimshilik hattama men 25 aılyq eseptik kórsetkish nemese 92 300 teńge kóleminde aıyppul salynady. Zań buzý anyqtalǵan kezde kalıan shegetin adamdarǵa 15 AEK mólsherinde aıyppul salynady. Qaıta buzylǵan jaǵdaıda — 20 AEK. Al mekeme ıelerine 20-dan 60 AEK-ke deıin aıyppul salynady, — delingen habarlamada.
Reıdter elordanyń barlyq alty aýdanynda júrip jatyr.
Aıta ketelik KCell, Tele2, Beeline kompanııalarynyń ústinen tarıf kóterý týraly «sóz baılasý» kúdigimen tekserý júrip jatyr.