Astanada jigit týystaryn pyshaqtady: Bir adam ólip, úsheýi jaralandy

ASTANA. KAZINFORM – Áleýmettik jelide taraǵan málimetti qalalyq Polıtsııa departamenti rastady.

Oqıǵaǵa kýá bolǵandardyń aıtýynsha, úıdegi janjal Free Fire oıynynan týyndaǵan. Mustafın 21\5 mekenjaıyndaǵy úıde tańǵy saǵat 4.00 kezinde 21 jastaǵy turǵynnyń telefonyn úıdegi týystary tartyp alady. Soǵan ashýlanǵan jigit týystary uıqyǵa ketken kezde pyshaqpen shabýyldaǵan. Saldarynan 1997 jylǵy aǵasy oqıǵa ornynda jan tapsyrǵan. Al qalǵan 3 adam aýyr jaraqatpen aýrýhanaǵa túsken.

Astana qalasy Polıtsııa departamenti bul faktini rastady.

- Kúdikti 21 jastaǵy Astana turǵyny, ýaqytsha ustaý ızolıatoryna qamaldy. Kisi óltirý baby boıynsha qylmystyq is qozǵaldy. Aldyn ala málimet boıynsha, janjalǵa týystarynyń jigittiń áreketine aıtylǵan syny sebep bolǵan. Oqıǵanyń jaı-japsary anyqtalyp jatyr, - dep jazylǵan polıtsııa málimetinde.

Eske salsaq, 13 qańtar kúni Aqtóbede kepilge alynǵan úıden eki adam qaıtys bolǵan edi.