Astanada jas jigitterden iri kólemde esirtki tárkilendi

ASTANA. KAZINFORM – Elordada «Zań jáne tártip» qaǵıdaty aıasynda qala prokýratýrasynyń úılestirýimen esirtki qylmystaryna qarsy aılyq ótip jatyr, dep habarlaıdy elorda ákimdiginiń resmı saıty.

Qalalyq polıtseıler iri kólemde esirtki jasyryp ketip júrgen eki jigitti ustady.

Prokýratýranyń úılestirýimen júzege asyrylyp jatqan 30 kúndik esirtki qylmysyna qarsy is-sharalar aıasynda kúdiktilerdiń áreketi jedel basqarý ortalyǵy operatorlary arqyly tirkelgen. Olar garaj mańyndaǵy butalardyń arasynan bir nárse izdep, keıin «Cobalt» kóligine otyryp ketpek bolǵan.

- Patrýldik ekıpaj dereý toqtatqan kólikten 22 jáne 23 jastaǵy eki jigit shyqty. Jeke tekseris kezinde biriniń qaltasynan 47 oram aq tústi untaq (mefedron) jáne bir oram marıhýana tabyldy. Ol ózine jasyryp ketkendi izdep júrip, odan da iri esirtki partııasyna taýyp alǵanyn moıyndady, - delingen habarlamada.

Atalǵan derek boıynsha sotqa deıingi tergeý bastaldy, kúdikti ýaqytsha ustaý ızolıatoryna qamaýǵa alyndy.