Astanada jańa perzenthana salynady

ASTANA. QazAqparat – Astana qalalyq máslıhatynyń tóraǵasy Erlan Qanalımov qalada týý kórsetkishi óskendikten jańa perzenthana salý jóninde sheshim qabyldanǵanyn aıtty, dep habarlaıdy QazAqparat tilshisi.

«Qazir qalada týý kórsetkishi óte joǵary, bizdegi úsh perzenthana bárin qamtı almaıdy, sondyqtan jańa tórtinshi perzenthanany – tolyqqandy keshendi perınataldy ortalyq salý týraly sheshim qabyldandy», - dedi máslıhat tóraǵasy Astana kommýnıkatsııalar qyzmetinde ótken brıfıngte.

Onyń aıtýynsha, qazir Saryarqa aýdanynyń turǵyndary úshin tolyqqandy aýrýhanany jobalaý jumystary júrip jatyr.

Jer ýchaskesi Kóktal saıabaǵy mańynda belgilengen.

«Emhanalar júıesi boıynsha eleýli jumys júrip jatyr, óıtkeni azamattar ótinishteriniń 70%-75% - emhanalar úlesinde», - dep tolyqtyrdy depýtat.