Astanada jańa mektep ashyldy
Astanada B.Momyshuly atyndaǵy mektep-lıtseıiniń janynan jańa ǵımarat ashyldy. Ashylý saltanatyna qamqorshylyq keńestiń ókilderi, pedagogtar, ata-analar men mektep oqýshylary qatysty. Qabyldanǵan sharalardyń arqasynda mektepke túsetin artyq jekteme azaıyp, bilim mekemesiniń úsh aýysymdy problemasy sheshildi, dep habarlaıdy Kazinform qala ákimdigine silteme jasap.
«Búgin B.Momyshuly atyndaǵy № 53 mektep-lıtseıiniń jańa korpýsynyń saltanatty ashylý rásimi ótti. Shamamen 3 jyl boıy bizdiń mektep úsh aýysymda jumys istep keldi. Osyǵan baılanysty kóptegen másele týyndady. Bul problema 1000 oqýshyǵa arnalǵan jańa korpýs ashylǵannan keıin sheshilip otyr. Osylaısha, mektep endi úsh aýysymdy rejımde jumys istemeıdi», - dedi B.Momyshuly atyndaǵy №53 mektep-lıtseıiniń dırektory Z.Qııanova.
Mektepte eki aýysymda 950 bala oqı alady. Ǵımaratta 90 kabınet bar. Olardyń árqaısysy tolyq jabdyqtalyp, balalar úshin qolaıly jaǵdaılar jasalǵan. Eki sport zaly, eki ashana, medıtsınalyq kabınet, hımııa, bıologııa, ınformatıka, fızıka kabınetteri jabdyqtalǵan. Sondaı-aq, mektep aýlasynda basketbolǵa, voleıbolǵa jáne fýtbolǵa arnalǵan sport alańdary jańartyldy.
«2023 jyly 12 mekteptiń qurylysy josparlanǵan bolatyn. Qazirgi ýaqytta 8 mektep paıdalanýǵa berildi jáne kelesi aptada 4 mektep jumys isteıtin bolady. Úshinshi toqsannan bastap barlyq 12 mektep paıdalanýǵa berilip, oqýshylardy qabyldaı bastaıdy. Bul mektepterdiń ashylýy úsh aýysymdy mektepterdiń problemasyn sheshedi. 2024-2025 jyldary qaladaǵy oqýshy sany kóp mektepteriniń problemalaryn sheshý josparlanyp otyr. Osy maqsatta 88 mektep pen 200 myń oqýshy ornyn salý josparlanǵan bolatyn», - dedi Astana qalasy Bilim basqarmasynyń basshysy Qasymhan Senǵazyev.
