Astanada jańa káriz tazartý qurylysy salynyp jatyr

ASTANA. KAZINFORM — Astana qalasynyń ákimi Jeńis Qasymbek áleýmettik jelidegi paraqshasynda salynyp jatqan káriz tazartý qurylysy jaıly jazdy. 

Qazirgi ýaqytta sharýashylyq-turmystyq aǵyndy sý táýligine 254 myń m³ qýattylyǵy bar káriz tazartý qurylysynda (№ 1 KTQ) tazartylady.

— Bas josparǵa sáıkes, 2035 jylǵa qaraı qala turǵyndarynyń sany shamamen 2 mln 275 myń adamǵa jetedi. Bul sharýashylyq-turmystyq aǵyndy sýdyń edáýir artýyna jáne qosymsha tazartý qurylystaryn salý qajettigine alyp keledi.

Osyny eskere otyryp, qalada jańa káriz tazartý qurylysyn (№ 2 KTQ), oǵan qosa kirme jáne shyǵarý kollektorlaryn salý bastaldy. № 2 KTQ-nyń qýattylyǵy táýligine 188 myń m³ bolady. Qala úshin mańyzdy bul nysandy 2028 jyly aıaqtaý josparlanyp otyr, — dep jazdy Jeńis Qasymbek.

Aıta ketelik Astanada jasóspirimder dendropark aýmaǵynda zertteý júrgizdi.