Astanada jańa aýdannyń kirister basqarmasy quryldy

ASTANA. KAZINFORM - Memlekettik kirister komıteti Saraıshyq aýdany boıynsha jańa memlekettik kirister basqarmasynyń qurylǵany týraly habarlady

Bul ózgeris Almaty aýdanyn qaıta qurý aıasynda oryn aldy jáne salyqtyq ákimshilendirýdi ońtaılandyrýǵa jáne salyq tóleýshilerge qyzmet kórsetý sapasyn jaqsartýǵa baǵyttalǵan.

- Jańa basqarmaǵa 6209 biregeı kody berilgen, ol osy aýdanda tirkelgen salyq tóleýshilermen baılanysty salyq operatsııalaryna arnalǵan, - delingen aqparatta.

Saraıshyq aýdany boıynsha MKB mekenjaıy ózgerissiz qalady – Almaty aýdany boıynsha MKB ǵımaraty, Astana qalasy Ahmet Jubanov kóshesi, 16.

- Qurmetti salyq tóleýshiler, salyq eseptiligin usyný merzimderi jaqyndaǵandyqtan, nysandardy usyný kezinde tirkeý derekterin tekserýdi eskertemiz, - dep jazdy komıtetten.

Aıta keteıik, jaqynda Astana ákimi LRT qurylysy aıaqtalýǵa jaqyn ekenin aıtqan bolatyn.