Habar kesh berilgen: Astanada úsh qabatty bazar ǵımaraty órtke orandy
ASTANA. KAZINFORM — Oqys oqıǵa Astana qalasy Baıqońyr aýdany Alash tas jolynyń boıyndaǵy bazarlardyń birinde boldy. Qazir órt oqshaýlandy, dep habarlaıdy TJM baspasóz qyzmeti.
Astanada Baıqońyr aýdany Alash tas jolynyń boıyndaǵy úsh qabatty ǵımarattardyń birinde órt shyqty. Oqıǵa ornynda órt sóndirý shtaby quryldy. Sýmen úzilissiz qamtamasyz etý uıymdastyryldy. Órt sóndirýshiler órttiń joǵary dárejesi boıynsha jumys istedi. Órt sóndirýshiler kelgen kezde ot tarap ketken. Sóndirý joǵary órt júktemesimen jáne qatty tútinmen kúrdelenedi.
— Órtti oqshaýlaý úshin barlyq shara qoldanylyp jatyr. Órtti sóndirý úshin sý oqpandary berildi, bıik tehnıkalar da qoldanyldy. Órt týraly habar kesh berilgendikten, órt búkil ǵımarat aýmaǵyna tarap, úlken kólemde órshidi. Kóp kólemdi janǵysh júktemeniń bolýy órtti sóndirý jumystaryn qıyndatty. Astana qalasy TJD, JAO 100 qyzmetkeri jáne shamamen 60 tehnıkasy jumyldyryldy. Sý úzdiksiz berilip jatyr. Zardap shekkender týraly aqparat 112-ge túsken joq, — delingen habarlamada.
Astana qalasy TJD bastyǵynyń orynbasary Qanat Altynbekovtiń sózinshe, saǵat 6:19-daǵy jaǵdaı boıynsha bazardaǵy órt oqshaýlandy. Degenmen órtti sóndirý jumystary jalǵasyp jatyr. Órttiń aýmaǵy naqtylanady.
Buǵan deıin Qaraǵandyda bank ǵımaraty órtengenin jazǵan edik.