Astanada «Uly Dala» pavılony ashylady
«Atalǵan nysan elordanyń sol jaǵalaýynda ashylady. Úsh qabatty pavılonǵa Qazaqstandaǵy 200-ge tarta brender qoıylady. Bunyń barlyǵy - eksportqa shyǵarylatyn qazaqstandyq taýarlar. Birinshi qabatta tek otandyq taýarlar ǵana qoıylady. Ekinshi qabatta Eýrazııalyq ekonomıkalyq odaqqa múshe bes memlekettiń ónimderi qoıylsa, úshinshi qabatta degýstatsııalyq zal bolady. Sol jerge kelgen qonaqtardyń barlyǵy qazaqstandyq taýarlardyń dámin tata alady», - dedi «Halyq markasy» qazaqstandyq taýarlar men qyzmetterdiń sapasyn baqylaý júıesi federatsııasynyń prezıdenti Rımma Tájibaeva búgin Astanada ótken baspasóz máslıhatynda.
Aıta keteıik, búgin Astanada jýrnalıster arasyndaǵy «Samǵaý» ulttyq baıqaýynyń aımaqtyq atalymdary boıynsha jeńimpaz atanǵan jýrnalıster marapattaldy. Aldaǵy naýryz aıynda Máskeý qalasynda baıqaýdyń bas júldesi - jeńil kólikti tapsyrý rásimi ótedi. Oǵan taǵy 8 jýrnalıst talasyp otyr.
Sol jerde Eýrazııalyq ekonomıkalyq aımaǵy kásipkerler odaǵynyń Qazaqstandaǵy ókili Marııa Anarbaeva Máskeýde ornalasqan qazaqstandyq pavılonnyń saýdasy jaıynda aıtyp berd i.
