Astanada turǵyn úılerdiń birinen órt shyqty

ASTANA. KAZINFORM — Oqys oqıǵa Astana qalasy Kereı Jánibek handar kóshesinde boldy, dep habarlaıdy TJM baspasóz qyzmeti.

— Kereı Jánibek handar kóshesindegi kóppáterli turǵyn úılerdiń birinde altynshy qabattaǵy páterdiń balkony jandy. Qutqarýshylardyń kúshimen 6 sh. m. aýmaqty sharpyǵan órt sóndirildi. Zardap shekkender joq. Tótenshe jaǵdaı týyndaǵan jaǵdaıda 112 nómirine habarlasyńyz! — delingen vedomstvo habarlamasynda.

 TJM málimetinshe, órttiń sebebi anyqtalyp jatyr.

Buǵan deıin habarlaǵandaı, 2025 jyldyń alǵashqy bes aıynda Qazaqstanda kópqabatty turǵyn úılerde 369 órt tirkeldi, bul ótken jylǵy kezeńmen salystyrǵanda úshten bir ese kóp.