Astanada TMD ǵylymı jáne shyǵarmashylyq forýmy ótedi

ASTANA. QazAqparat - 19-20 maýsym kúnderi Astanada TMD elderiniń ǵylymı jáne shyǵarmashylyq zııaly qaýym ókilderiniń HІІІ forýmy ótedi. Bul týraly «QazAqparat» HAA TMD-ǵa múshe elderdiń Memleketaralyq gýmanıtarlyq yntymaqtastyq qoryna silteme jasap habarlaıdy.

Qordyń baspasóz qyzmetiniń málimdeýinshe, bıylǵy forým «TMD-daǵy dıalog: HHІ ǵasyrdaǵy gýmanıtarlyq yntymaqtastyq perspektıvalary» taqyrybymen uıymdastyrylyp jatyr.

Oǵan qatysý úshin Qazaqstan astanasyna Armenııa, Ázerbaıjan, Belarýs, Qyrǵyzstan, Moldova, Tájikstan, Túrikmenstan, Ózbekstan jáne Reseıden 200-den astam delegat jınalady.

«Sharada ǵylym, bilim, óner qaıratkerleri kásibı yqpaldastyqtyń túrli qyrlaryn, sonyń ishinde bilim berýdi gýmanızatsııalaý, jastarmen jumys isteýdegi sabaqtastyq jáne ınnovatsııalar, mádenıetaralyq dıalogty qalyptastyrý sekildi máselelerdi talqylaıdy. Shara aıasyndaǵy otyrystardyń biri Qazaqstan elordasynyń 20 jyldyǵyna daıyndyq jáne Astananyń mádenıet ınstıtýttaryn qalyptastyrý men damytý tájirıbesine arnalady», - dep málimdedi baspasóz qyzmeti.

QR Ulttyq mýzeıinde ótetin forým aıasynda TMD-nyń basty memleketaralyq syılyǵy - «Dostastyq juldyzy» nagradasynyń laýreattaryn marapattaý rásimi ótedi.

Forým TMD-ǵa múshe elderdiń Memleketaralyq gýmanıtarlyq yntymaqtastyq qory, Qazaqstan Respýblıkasynyń Mádenıet jáne sport mınıstrligi jáne Qazaq mádenıet ǵylymı-zertteý ınstıtýtynyń qoldaýymen uıymdastyrylyp jatyr.